《終於去咗驚安殿堂潮聖喇❣️》
明明以前去親日本🇯🇵都見到係叫激安の殿堂，有一次去到沖繩見到叫驚安の殿堂，我同老公都真係好驚(訝)，究竟呢間係老翻定係改咗名🤔？即場搵google神查證後原來真係改咗名。
今日大約5點鐘左右開始行，應該因為放工時間所以都幾多人。售賣產品都同日本🇯🇵驚安差唔多，唯一分別係香港店只有一層，同埋印象中日本係冇水果🥭蔬菜🥬同肉類🥩呀！
價錢抵唔抵激唔激安就見仁見智啦，但係唔洗飛去日本可以慳返張機票錢✈️都可以買到日本貨，我就覺得抵返哂喇🤗同埋以後去日本唔洗買手信啦，因為好多日本限定食品喺呢度都買到🛍
行咗一個鐘都未行哂但已經好攰喇，最後我買咗好多零食，同埋必買Cosmo no.1美妝產品：卸妝水及睫毛打底液超好用，誠意推介大家呀！
由於約咗人食飯，又唔記得帶環保袋♻️，但又冇理由攞住個黃色膠袋咁樣衰架嘛，而且又唔環保，所以最後都買咗個環保袋，又可以襯返今日造型😂
↫↫↫↫ jαsmínє & mαmα ↬↬↬↬
驚安之殿堂
地址：尖沙咀美麗華廣場2期地庫
營業時間：24小時
驚安殿堂・唐吉訶德 #驚安之殿堂 #激安之殿堂
Search